مواقف الفتى الهمام في بلاد العم سام "ملفك لسة مجاش
ما يلي هو احدى مواقف الفتى الهمام في بلاد العم سام ، والحدق يفهم:
لي مصلحة في احدى المصالح الحكومية في بلاد العام سام اسعى عليها منذ فترة، كان
اليوم هو الميعاد المقرر لإتمام هذه المصلحة..ذهبت في ميعادي إلى المكان المفروض تواجدي فيه لتتميم ما بدأته منذ فترة، وعندما وقفت امام الشباك وكلمت الموظفة المختصة، طلبت مني يا يثبت شخصيتي وبعض اوراق أخرى.
بمنتهى السرعة والهمة بما إني الفتى الهمام اعطيت الموظفة كل ماطلبت من اوراق قامت الموظفة بفحص اوراقي ثم بدأت بالبحث في عدة ملفات على مكتب خلفها استنتجت ان هذه الملفات هي للأشخاص المنتظر حضورهم اليوم حسب مواعيد مسبقة.... لدهشتي نظرت الموظفه الي وقالت لي "ملفك لسة مجاش"كدت انفجر ضاحكا. فهذه هي أول مرة أسمع تلك الجملة خارج مصر وبالذات في بلاد العم سام المشهوره بالنظام الشديد.وكنت على وشك ان استحلفها ألا تقول لي "فوت علينا بكرة يا فتى يا همام "
بمنتهى السرعة والهمة بما إني الفتى الهمام اعطيت الموظفة كل ماطلبت من اوراق قامت الموظفة بفحص اوراقي ثم بدأت بالبحث في عدة ملفات على مكتب خلفها استنتجت ان هذه الملفات هي للأشخاص المنتظر حضورهم اليوم حسب مواعيد مسبقة.... لدهشتي نظرت الموظفه الي وقالت لي "ملفك لسة مجاش"كدت انفجر ضاحكا. فهذه هي أول مرة أسمع تلك الجملة خارج مصر وبالذات في بلاد العم سام المشهوره بالنظام الشديد.وكنت على وشك ان استحلفها ألا تقول لي "فوت علينا بكرة يا فتى يا همام "
سألت الموظفة عما يمكن فعله لتجاوز هذا الخطأ البشري والذي من المفروض انه نادر الحدوث في هذه البلد.ا بالفعل قامت الموظفة بسوال رئيسها عما يمكن فعله لحل الموقف، وقد كان.
ما استوقفني كثيرا بعد انتهاء الموقف هو ان عقلية الانسان قادره على حل أو تعقيد أي موقف في أي بلد كان,في مصر أو بلاد العم سام أو أي مكان آخر. فالخطأ البشري يحدث اينما وجد البشر ا لكن طريقة التعامل مع المشكلة أو الخطأ هي مايحدث كل الفرق بين التقدم والتخلف واحترام وقت الاخر أو اهداره. فبالرغم من اني سمعت "ملفك لسة مجاش" وانا بره مصر لكن النتيجة اختلفت تماما عما إذا كنت سمعتها داخل مصر، فالعامل الحاسم ليس الوضع القائم في الموقف نفسه ولكن طريقة التعامل مع هذا الوضع القائم من تبسيط وحل أو تعقيد وذل.
وربما كان سماعي لجملة لم أسمعها الا داخل مصر عزاء لي عن البيروقراطيه المتوطنة في المصالح الحكوميه المصرية إلا ان النتيجة اختلفت تماما في بلد العم سام.
انتظروا الحلقة القادمه من مواقف الفتى الهمام في بلاد العم سام
أمريكا - بيروقراطية
تعليقات
احنا اساسا مش شعب متخلف بس تقريبا عن\نا فانتازيا التخلف
البوست حلو وهو ده المطلوب .. العين الفاحصة الناقدة اللي بتشوف وراء المواقف
اللي انت بتحكي عليه ده هو اللي اسمه التفاني في العمل - مش بس واحد قاعد مش عايز يتعب راسه!! .. بس كمان ما تنساش ان الناس دي وراها سيستم وناس بتساعدهم .. مش زي الموظف المصري الغلبان اللي بتحس وانت بتراقبه أثناء العمل انه ياعيني شغال لوحده وعشان كدة بيخاف يفتح على نفسه ابواب جهنم - أو يتعب راسه وهو عارف انو مافيش فايده من اللي هيعمله أو ان الشغلانه كلها مش جايبه همها .. وتلاقيه يتحرك بس لما تبدأ تجيب همها .. وصدقني معذور
بتتكلم في ايه يا عم هانز ؟! ... ده فرق 100 سنة بينا وبينهم
والفرق على فكرة مش في الغباء أو الفرق البشري.. ابدا .. الدنيا قايمة على النظام والسيستم .. وبلاد العم سام نجاحهم هو نجاح السيستم اللي الكل ماشي عليه .. اما احنا يا عيني .. ما نعرفش اساسا يعني ايه سيستم .. وسلملي على المترو - سوري .. قصدي الأندر جراوند .. هههه
تحياتي العطرة وفي انتظار المزيد
هو فعلا زي ماتفضل باراكوده احنا معندناش سيسيتم نتبعه أو بمعنى أصح السيستم بتعنا قلته أحسن من تنفيذه 100 مرة وما أكثر صغرأته زي القانون كده بالضبط .
كمان احنا شعب عندنا لامبالاه بشكل فظيع وأسهل حاجة عندنا تريح الدماغ ,,ولان مفيش نظام معيَّن بقول لما يحصل الخطأ الفلاني مفروض أعمل كذا وكذا ,مع اللامبالاه يبقى طبيعي جداعند وجود أي مشكلة هيقولك فوت علينا بكرة يا سيد أو بعد أسبوع أو شهر عادي مافيش أصلا تقيدر لقيمه وقت ومصالح الناس وإن ممكن جدا يكون الموضوع أو المصلحة ده لا تتحمل كل هذا الانتظار بس تكلم مين .
كمان ممكن جدا يكون معندوش حل معروف يقولهلك أو عارف إنه هيحصل بكرة أو بعد أسبوع بس هو بيمشيك وخلاص لاننا برضه معندناش تخطيط لحاجة أهو بكرة يبقى فيها فرج وكهذا تسير اإلامور في بلدنا الحبيبة للاسف الشديد لإنه لا عندنا نظام يحكمنا ولا عندنا تقدير .يعني هي منظومة متكامله ,وال موظف زهقان وارفان وجاي في أتوبيس مطلع عنه ووقف ساعة عقبال مايجب عيش يفتر هو وعياله وحاجات كتير قوي والخ ,,,وربنا يصلح الحال.
تحياتي