قصة الراهبة المصرية التي أسلمت على يد النبي محمد عام 1970

إحياء لذكرى قصة عجيبة لإسلام راهبة مصرية بعد أن رأت النبي محمد في العام 1970،  محيت آثارها ولا يتذكرها الكثيرون حتى من عايشوا هذه الأيام، بعمد أم بغير عمد، ولا نعرف مصير "الحاجة إجلال علي" وهي - ابنة أخت البابا شنودة - هل رحلت عن عالمنا أم لازالت على قيد الحياة، وها هي قصتها نذكرها كما هي  وبلغتها العامية: (الفيديو بالأسفل لمن يرغب في مشاهدته أولاً)

المقدمة:

في لحظة إيمانية نادرة، وفي زمن قدسي، وفي ساعة مباركة، وقعت معجزة إلهية في زمن شُغل أهله بالمادة واشتغلوا بحجبها الكثيفة عن رؤية النور الذي ملأ  الكون، نور الله تبارك وتعالى، ونور هداية رسول الله صلى الله عليه وسلم.

وكأن الله تبارك وتعالى يخرج لنا هذا المعجزة لكي نقف مع الله وقفة أخرى، وكي نتدبر آيات الله في كون الله وفي مخلوقات الله، ونعلم أن هذا النور الذي أفيض على هذا الوجود عن طريق أنبياء الله ورسله لا يزال متدفقا لمن اهتدى، لمن تذكر، لمن اعتبر، وذكّر فإن الذكرى تنفع المؤمنين.

هذا كله وقع لوالدتنا، واختنا في الله، في قصة يعجز الزمن أن يسجل نبضاتها، وتعجز الكلمات أن تعبر عنها، فنستهل هذه الفرصة بالتعارف ونبدأ فنسأل والدتنا الكريمة عن اسمها الكامل...

الإسم  الكامل القديم ولا  الجديد؟

القديم ، نبدأ مرحلة مرحلة عشان نعايش...

بداية القصة:

كنت "سير ماري تريز حنا" - راهبة في الدير - في مدرسة الفرنشسيكان - المستشفى الإيطالي، وقعدت فترة 28 سنة راهبة، وحصل عدوان الملك حسين في الأردن -أيلول الأسود - يموت الفلسطينين ويحطهم في الأرض ويدوس عليهم بالدبابة وإحنا بالإسعاف، بالصليب الدولي بنلم المصابين ونسعفهم، وكان منظر بتتقطع الجثث "ترنشات" زي ما بتقطع اللحمة ، طب ازاي نلم المصابين دي ونسعفها؟ مش ممكن!! منظر بشع!! هو كان شخصيا اللي بيعمل كده، معدتي قفلت، وقالوا ما تنفعش!

لازم تتشال المعدة، واللي بيشيل المعدة في الأيام دي بيموت – ما حدش بيشيل المعدة، سافرت لندن

حاولوا يعملوا لي العملية في لندن قالوا إن أنا هموت

قلتهم لأ نعملها في مصر ، في المستشفى الايطالي اللي عندنا في العباسية

 -جم عملولي العملية

 - ومنتظرين هموت بعد ساعة.. نص ساعة... ربع ساعة..

بصيت لقيت الحبيب المصطفى - ما اعرفش حاجة عن الإسلام نهائي – إيده على كتفي خليتني ما عنديش أي مرض!

بقوله يا دكتور ... قالي أنا محمد رسول الله –

 ما عرفتش أقوله ايه ما اعرفش حاجة عن الإسلام نهائي

احنا أصلا كلنا عائلتنا مسيحية وقسس... والبابا خالي... والدكتور ميلاد حنا عمي... يعني ناس كبار في البلد – كان وزير - وكل أهلي ناس متمسكين بالمسيحية وما نعرفش حاجة، وأنا بعيد عنهم في الراهبات لما جاءتني المعجزة الجميلة، الحبيب المصطفى وراني طريق النور والإسلام والحب

لحظة بلحظة

وانا في المستشفى ساعة ما شرفني وايده على كتفي بقوله يا دكتور

قالي أنا الرسول، ما عرفتش أرد عليه بيقولوا ايه، لقيته بشيلي الخراطيم والراين والحاجة اللي محطوطة ليا وبيرميها

ومسك إيديا ومشاني...

قمت.. مشيت زي متر وشوية ...لقيته طلع على باب الكعبة عالي، وقالي هاتي إيدك

- وإنتي ما كنتيش شفتي الكعبة قبل كدة ؟

- لا ما عرفهاش

-يا دوبك إيدي مرفوعة كدة مربوطة لسه لقيته وطا مسكني لقيتني طايرة

- دخلت جوة الكعبة لقيت فيها جميع خيرات الله

لقيته بيقولي شيلي ايدك

قلتله: مش قادرة من النور والجمال!

قالي: شيلي إيدك ما تخافيش

نور الحبيب المصطفى مهما أقولك

 قالي: شيلي إيدك ما تخافيش

 - ايه النور اللي شفتيه؟

قلتيلي كلمة جميلة إنك فهمتي كلمة أولاد البلد : يانور النبي" فهمتي كلمة "يا نور النبي"

لقيت نور الحبيب المصطفى سبحان الله أقوى من النور اللي بيقولوه! عشان شفته طبيعي

قالي اقعدي قعدت، اداني دورق قالي اشربي شربت، قالي دي ماية زمزم

قالي: أنا هقول وانتي ردي...

قالي الفاتحة ...وقل أعوذ برب الفلق... وقل أعوذ برب الناس

نسمعها من حضرتك: (ترتل الفاتحة)

قالي انا اقول وانتي ردي

كأني حافظاهم طول عمري

صوتي وأنا بقولهم سمع المستشفى بحالها

دخلوا الدكاترة لقوني قاعدة ولا عملية ولا أي حاجة...

عملوا مؤتمر صحفي وفرحوا بيا واسلموا وكانت حاجة جميلة قوي

والراهبات اسلموا ...جات الريسة قفلت عليا ...قالت الورديات كلها هتسلم؟

تاني يوم نفس اللي حصلي في أول يوم  جالي الحبيب المصطفى، كملي القرآن ودخلني زمزم، وشربني ماية زمزم

دخلوا عليا الراهبات في الوردية الثانية اسلموا ...

جالي في تالت يوم قالي اخرجي... طيب يا حبيبي يا رسول الله

أنا لابسه قميص العمليات أخرج ازاي؟

 - حضرتك بتقولي لما مسك إيدك إيه اللي حصل في إيدك؟

بقولك راح الصليب! الصليب مفيش!، أول ما مسك إيدي، هما أسلموا  لما شافوا الصليب راح علشان كان هو البابا عاملهولي ودلوقتي

- يعني من عادة المسيحيين...

لازم يعملوا الصليب

دلوقتي بيعملوه هنا عشان لما تمسك يبان من صباعهم  - ده اللي بيحصل الأيام دي

نشوف هنا الإيد هنا ...
-  لاحظ الأيد مافيش صليب  - ودي معجزة إلهية

الحمد لله...

بس ....قفلت عليا الريسة 3 أيام، جالي الحبيب وقالي إن أنا لازم اخرج، طب أخرج إزاي، مش عارفه

جيت واحدة بتنضف الأوضة من الدم، اللي بيجيبوهم باليومية، قلتلها لو سمحتي عايزه أخرج

قالتي تقطعي عيشي، وأنا بربي أيتام

قلتلها ما تخافيش لما يمسكوني مش هقول عليكي

جات الست تشكر قلعت الجلابية بتاعتها وادتهاني ولبستهاني واديتني طرحتها وخرجت وراهم وهم خارجين ما عرفونيش...

 جات مودياني الأزهر كان منتظريني الشيخ الشعراوي والشيخ جاد الحق والشيخ محمد الغزالي وعملولي اجتماع كبير قوي وفرحوا بيا قوي

وبعدين ودوني مديرية الأمن

كانوا مبلغين إني أنا اتخطفت

مدير الأمن بيقول للوزير: "الراهبة هنا، وهم مبلغين إنها اتخطفت"

قالوا "لأ ما اتخطفتش، أنا جاي"

جه الوزير بقى فرحان بيا وقعد يبوس على ايدي مطرح الصليب ما راح وبقى فرحان بيا قوي

وقعد يبوس على ايدي وقالي هنعمل روتين صعب

قلتله انا كل حاجة تحت رجليا انا شفت الحبيب المصطفى مش مهم اي حاجة

بعتوا جابوا قسس، اسلموا الـ 12 قسيس اللي جم يقعدوا معايا لما علموا القصة الجميلة بتاعت الحبيب المصطفى، وشافوني واحدة شايلة معدة وقاعدة مش ممكن واحد يشيل معدة وكان 3 ايام مش ممكن.

جه بعد كدة، جابوا مطارنة اللي أكبر من القسس، 8 منهم أسلموا وهم في منهم دعاة إسلام هناك القس ابراهيم عبد السيد وكتير يعني...

مقابلة البابا شنودة:

جه البابا بقى... قال دي بنت أختي وهي ما تقدرش تقول حاجة... البابا لما يقول لواحد ادبح ابنك يدبحه.. البابا كلمته في المسيحية صعبة صعبة صعبة

 قام جه قالي: انتي حطيتي راسنا في الطين، قلتله: "لأ أنا شرفتكوا بالإسلام!" قالي :"بقولك ايه قعد يشتمني..قلتله مهما تقول، أنت مش عاملي الصليب ده؟ طب الصليب ده راح فين؟ قالي برضه ما تتكلميش وجه ضاربني كاسر لي السنتين دول وفاتحلي حاجب... وجه تافف عليا..

كان الوزير وكلهم قاعدين وشايفين بشاشة تلفزيونية بس ما عملوش حاجة

طلع مشي... جم جابولي دكتور وعمولولي الإسعافات وعملولي احتفال إشهار إسلامي، وجايين يكتبوني خديجة لقوا مكتوب (الله جل جلاله)... الشيخ الشعراوي قال: لازم تتسمى (إجلال) سماني (إجلال علي)  

وكانوا فرحانين بيا.. وجه الوزير قال لمدير الأمن لازم تطلعوا معها حراسة...نسى...

التعذيب الذي تعرضت له:

خطفوني بعد مشيت شوية من المديرية، وعذبوني العذاب الأكبر لففوني جميع الأديرة

 شالوا عن دراعي ده عظمة

 (لاحظ انه يدها هذه أطول من يدها هذه نتيجة للتعذيب كسرت اليد من شدة التعذيب كسرت اليد

كل جسمي مقطع كده

آثار الكسر

آه

وفي وشي مطرح يجيبوا الحديد ويحرقوه ويحطوه على العين عشان يسحب النور ..الخياطه اهه

ورقبتي معلقيني زي النجفة من رقبتي طبعاً مقطوعة كدة

(تظهر الإصابات)

عشان أخواتك المؤمنات يشوفوا الصبر في سبيل الله والإنسان يعني إذا ذاق طعم الإيمان لا يبالي بما يصيبه

طبعا ضربوني في العملية، اتشال الطحال والمرارة.. الجهاز الهضمي، ما باكلش طبعا وعايشه على السوايل بس فقط لا غير والحمد لله.

نشكر ربنا والإسلام وحبايبي والعيال اللي بيسلموا

الحاجة الجميلة اللي عملها البابا وبنشكره عليها ...

حاطط الجرائد كلها في الأديرة وفي الكناس وكل الناس بتطلع عليها وعشان يخوفهم العذاب اللي اتعملي

هما بييجوا يسألوا ويسلموا .. الحمد لله!

محاولات القتل التي تعرضت لها:

من كام يوم كدة.. النهاردة أسبوع.. قربت على الأسبوع

جاتلي بنت منقبة مسلمة

 كان عندي جماعة صحفيين من بره

وبعدين قعدت تتكلم وقالت يا أمي، منقبة، أهلا وسهلا

بعد الساعة 12 ماعنديش حد بيبات ممنوع

 قالتلي اعملي معروف هبات عندك عشان أخويا ضاربني وطاردني أروح أبات فين

قلتلها ممنوع حد يبات عندي – قالتلي أنا عارفة

قلتلها انا ما اقدرش انزلك الساعة 12:30 بالليل

مش ممكن انزل بنت كدة مهما كان الوضع

 دخلتها ، وحطيتلها اتعشت، وبعملها شاي

بصيت لقيت ضباط من أمن الدولة جم

قعدوا لما شربت الشاي

 قالها افتحي الشنطة، لقاها جايبه جركن ماية نار

قالها ايه ده افتحي الشنطة

 قالتله مايه

قالها ما تشربيها

خافت وجات معيطة، ضربوها، ناس مأجرينها من الكنيسة بـ 50 ألف جنيه خدت 25 ولما تموتني تاخد الباقي

 اضربت بقى وأخدوها

كانت صعبانة عليا، بنت صغيرة

قلتلهم سامحوها معلش، قالولي لأ إزاي؟ قالت ايه كمان: انها حطيتيلي حشيش في الحمام

تاني يوم جم طلعوه من ورا التواليت ربطة حشيش

قالها لو ماكناش احنا عارفينها ما كناش نصدق عليها

احنا عارفين انها امنا كلنا

الأمن كلهم ولادي

علشان عارفيني انا وضعي ازاي وماشية ازاي

نشكر ربنا والحمد لله

التكريم في السعودية:

طبعا أنا اتكرمت في السعودية عندكوا برضه، بحجة وعمرة

السيد زقزوق راجل من الناس الكبيرة الصراحة الراجل كرمني

الملك فيصل الله يرحمه وداني حجة وهو أعطاني (تذكارات صور) لقبر الحبيب المصطفى،

وماية زمزم من الأبيار... وعمامة الحبيب المصطفى

الإغراءات المادية والضغوط التي تعرضت لها:

قلتيلي حضرتك إنه اتعرض عليكي إغراء مادي، كتير ، ولغاية الأيام دي كتير

احكيلي قصة كدة...

كان فيه واحد من التجار الكبار اللي في مصر، جالي وجايبلي مليون ونص على أساس أننا ارجع ويسفروني أمريكا، ونقعد هناك عشان ابعد عن موضوعي ده ومنتكلمش في الإسلام عشان ناس كتيرة بتسلم

أنا اسلموا على إيديا أنا 12 ألف يعني حاجات كل يوم، لدرجة حتى الشيوخ الشيخ.... (بلاش اتكلم عليه) "طنطاوي" منع قالي الإسلام مش ناقص وامشي اطلعي بره

قلتله لا ناقص ونص... وانت قاعد تبشر عشان الإسلام، كل واحد خايف على كرسيه، وانا ما بيهمنيش وبسافر...والحمد لله

ونشكر كمان وزير الأوقاف الشيخ زقزوق والأستاذ ضياء مدير مكتبه وكل الناس الطيبة في كتير قوي والحمد لله يساعدونا ومديرية الأمن عندنا في مصر كويسة قوي وفي إسكندرية وكلهم واقفين معايا الحمد لله.

انتشار الإسلام:

بالنسبة للأقباط هنا في مصر، يعني لو أتيح لهم فرصة يعرفوا الإسلام كما هو زي كما أنزل

أيوة ما بقول لحضرتك ما هو في متمسكين قوي... وفي عاديين يعني بيحبوا الإسلام ولما بيطلعوا على الإسلام ما في مطلعين كتير وبيعرفوا بس متمسكين بالمسيحية

يعني يقولك المسيح هو...

يعني ان شاء الله نتوقع إنه بعد عقد عقدين من الزمان..

إن شاء الله كله هيسلم بإذن الله

الإسلام ماشاء الله بطريقة لا تتصور كل يوم في الزيادة

يعني أيامي.. أنا دلوقتي من سنة 79 لدلوقتي... كل يوم يزيد أكتر من حوالي 10 %

أه يعني عندي أنا لوحدي

شوف بقى في الأماكن التانية، في أي بلد تاني وفي الأجانب ماشاء الله كتير قوي

قصة الأب "متى المسكين":

طيب حضرتك عايزين تحكيلنا قصة "متى المسكين"

كان هو اتكلم مع البابا شنودة أيام قصتي

جه البابا اعتقله، وداه وادي النطرون وقعد سابوا هناك، خد الرهبان وقعدوا وضبوا الدير  

20 سنة بيعملوا فيه وعملوا مزارع وعملوا حاجات جميلة قوي وبعدين جه وادالوا المفتاح وهربوا وربنا كرمهم بالإسلام ونشكر ربنا

(يظهر قصاصات الجرائد من "جريدة مصر" التي تحدثت عنها في وقتها: عناوين بالبنط العريض: هذه قصة إسلام الراهبة – راهبات يسلمن على يديها – إجلال تروي كيف زارها الرسول وأخذها للكعبة وسقاها من زمزم - )

 لو فرد مسيحي يسلم من أسرة كلها مسيحيين، ما هي الصعوبات التي يواجهها؟

لا بيتقتل

يهرب لازم يكون في مكان تاني

والبنت لازم تتجوز وتبعد علشان...

بنقعدهم عند ناس لما ربنا يكرمها تتجوز وتمشي

إنما يرجعوا تاني لا ممكن

والشباب نفس الكلام

ليه يعني مافيش حوار؟

لا لا مفيش حوار لا لا لا

وسابت دينها وأهلها وبيقولوا عليها عار  

عار عندهم ازاي إن ببنت تسيب أهلها ودينها

يتخصلوا منها عشان دي جايبالهم العار يبقى يتخلصوا منها وانتهى إذا كان ولد ولا بنت

يعني أنا عندي شباب اتعمى وشباب متكسر وشباب فاقد الذاكرة...

                               

قصة إسلام "أم الهنا":

قصة أم الهنا كانت قصتها عجيبة ماشاء الله عليها

(تظهر صورة أم الهنا)

هي عيالها قسس 4

حاطين الجرائد في الكنايس عشان اللي يعمل حاجة يعذبوه زي ما عذبوني

قالت هي ازاي معقوله واحدة كانت راهبة وعائلتها كبيرة ويحصل كدة؟

لازم جاتلها حاجة جميلة أو حاجة زي كدة

هربت من ولادها من أسيوط، ركبت القطر وقالتلهم ودوني عند الحاجة إجلال

ادت الفلوس اللي معاها للكمساري وقالته وديني للحاجة إجلال وقالها الحاجة اجلال في 100 ألف حاجة اجلال في مصر

هو يشكر اخدها وداها مديرية الأمن

قعدوا يضحكوا عليها الضباط  

وبعدين جابوها وفرحانة وموجودة ولغاية النهاردة وبقالها دلوقتي 3 سنين، عمرها كام؟

 120 سنة وحفظت القرآن الكريم من الراديو الترانزستور - الفاتحة وقل هو الله أحد وبتصلي وبتعلم اللي بيجي، وبتصوم الاثنين والخميس، ماشاء الله عليها.

قصة إسلام شباب من جيران للحاجة إجلال:

قلتيلي كمان قصص شباب جولك وما قدروش يسلموا هنا وراحوا لأمريكا وأعلنوا إسلامهم، دي قصتهم إزاي؟

دول برضه عائلات كبيرة وسافروا طبعا أمريكا وبعتولي من هناك: يا ماما إحنا أسلمنا

قلتهم أنا اتشرفت بيكم قوي

هناك ساهل

هجروهم أهلهم عشان ما...

راحوا هناك – هم جنبي في الشقة اللي جنبي - كانوا معصلجين معايا  - بتاع جريدة وطني - بيشتموني ويتف عليا  - بنتهم عيت قوي جات هنا كنت بأديها الإبر يخبطوا عليا والحقن 

البنت شافت وبتسمع الناس لما باجي بنحكيلهم قصتي وفرحت بالإسلام قوي بقت قاعدة هنا ابوها وامها خدوها سفروها امريكا – هجروهم - راحوا أسلموا هناك ماشاء الله.

مضايقة مشايخ المسلمين:

للأسف، ونقولها بكل أسف، أن هناك مسلمين اشتركوا في مضايقة الحاجة إجلال بسبب عدم فهمهم للإسلام بيتأجروا - باعوا دينهم بدراهم معدودة وهذا للأسف -  أن هناك معجزة تعيش في وسطنا، وهناك حقيقة تتبدى لكل ذي عينين

أن كل من أراد أن يطفئ نور الله لا يستطيع ذلك

 - لا ممكن!

ها هي الجاجة إجلال رغم كاهل السنين ورغم الانفراد ورغم كل ذلك فعلت ما لا يستطيعه الرجال وأوصلت نور الله إلى قلوب المئات من عباد الله في مهمة الأنبياء والمرسلين التي أدوها راضين مرضيين وتركوا الوراثة لنا، فنسأل الله تبارك وتعالى لها الثبات ونسأل الله تبارك وتعالى أن يهدي على يدها ونقول:

"إذا جاء نصر الله والفتح، ورأيت الناس يدخلون في دين الله افواجا، فسبح بحمد ربك واستغفره، إنه كان توابا"

سبحان الله وبحمده سبحان الله العظيم

قصة الاستغفار الذي علمه الرسول للحاجة إجلال حين كانت يائسة:

استغفار انتي سمعتيه من سيدنا النبي

بيطبعوه كتب وهبقى اديك منه  

كانوا محاصريني ومحضرينلي إني لازم أسافر ان انا لا انزل ولا اعمل اي حاجة

قلت انتحر ولا انيش ياخدوني أو امشي أو يعملوا فيا حاجة

انتحر أحسن وبطلب من الله وبصلي عشان يسامحني ويغفرلي اني هنتحر

لقيت الحبيب جنبي وعمال يقول لي:

أستغفر الله لي وللمسلمين

أستغفر الله لي وللمذنبين

أستغفر الله لي وللخلق أجمعين

استغفر الله غفار الذنوب

استغفر الله ستار العيوب

استغفر الله حتى نقلع عن المعاصي ونتوب

استغفر الله حياء من الله

استغفر الله ولا حول ولا قوة إلا بالله العلي العظيم

سبحان فالق الإصباح

سبحان رب المساء والصباح...

( بقية الاستغفار كاملاً مذكور هنا في هذا الرابط: http://ahbabalex.ahlamountada.com/t136-topic )

حفظني استغفار كتبته ...صفحتين ونص

لدرجة عملوه كتير قوي.. وعمالين يطبعوه تاني

إن شاء الله.. هبقى اديك منه شوية بإذن الله

وفي رأيك إنه أكثر إقبال على الإسلام من الشباب أم من الناس الكبار؟

لا والله...شباب كله، ودلوقتي الكبار بيدأوا سن كبير

ودلوقتي ابتدى عائلات كمان

عارف العائلات ما بتتعبش، خلاص بيبقى لهم وضعهم الأب والأم معاهم  

الختام:

في ختام هذا اللقاء الذي هو في الحقيقة من اللحظات التي يجود بها الزمان

ولحظات جميلة أن يجد الإنسان معجزة من معجزات المصطفى صلى الله عليه وسلم تتحرك بين أيدينا وتتكلم

دليلا وبرهانا صادقا من براهين كثيرة على صدق رسالة رسول الله صلى الله عليه وسلم وإظهار أن في الوجود حقيقة واحدة

وهي أشهد أن لا إله إلا الله وأن محمدا رسول الله

ونؤمن بجميع رسل الله وأنبيائه وملائكته وكتبه لا نفرق بين أحد من رسله

سبحان ربك رب العزة عما يصفون وسلام على المرسلين والحمد لله رب العالمين

اللهم صلي على سيدنا محمد الفاتح لما أغلق والخاتم لما سبق ناصر الحق بالحق والهادي إلى صراطك المستقيم

وعلى آله حق قدره ومقدراه العظيم

وسلام على المرسلين والحمد لله رب العالمين

( يظهر شهادات إشهار إسلام كثيرة الناس الذين أسلموا علي يديها)

روابط خارجية:
رابط خارجي يتحدث عن إجلال من: موقع أوراق برس

شاهد الفيديو:

https://www.youtube.com/watch?v=YpodRXu8js4

إذا أعجبك الموضوع: تابعنا على الفيسبوك: مجلة لاكي  سترايك أو على تويتر أو اشترك بالقائمة البريدية ليصلك كل جديد على بريدك  | للتعليق: اضغط هنا

الحاجة اجلال علي 

 اسلام راهبة على يد النبي في القرن العشرين 

الراهبة اجلال علي 

الراهبة

سير ماري تريز حنا
اسلام ابنة اخت البابا شنودة