الحياة مع سكّير

هل فكرت مرة الحياة بيكون شكلها ايه لما تضطر انك تعيش حياتك او يكون في بيتك واحد سكير ؟؟... على الرغم ان مناظر السكر مالية تاريخ السينما المصرية والمخرجين المصريين - الله يبارك لهم بقى - على مر التاريخ صوروا المصريين وكأنهم اتولدوا والقزازة في بقهم مش البزازة !... لكن في الواقع نسبة كبيرة من الناس ماشافتش الخمرة دي ولا تعرف شكلها ولا ريحتها ولا تأثيرها شكله ايه.... بل اني مستعد اقول انهم ممكن حتى ما يكونوش شافوا واحد سكران غير في الافلام وهو ماشي بيطوح آخر الليل وهو بيقول بعلو صوته : انا جدع ع ع ع ع !

الكلام ده ممكن تحسه قوي زوجة ... ربنا ابتلاها بزوج سكير.. والحالات اللي زي دي كتير ... او عيلة يكون والدهم سكير مثلاُ ومضطرين يتقبلوا الموضوع ده لانه مافيش فايدة لا الراجل هيتغير وبعدين ابوهم هيعملوا معاه ايه؟ . أو واحد يسافر بره البلد ويضطر انه يعيش مع ناس بالشكل ده سواء كان في دولة عربية ولا أجنبية .

لما بيكون في واحد سكير قريب منك ويبدأ يشرب .. انت بعد شوية صغيرة ما بتتعاملش مع الشخص نفسه... انت في حالة سُكره .. بتتعامل مع تأثير الخمرة مش الشخص.... يعني حتى الضرب ماينفعش لأنه ببساطة مش هيفتكر انو انضرب او حتى اتعور او انجرح ... وهم وظروفهم بقى .. ساعات تقلب غم ونكد... وممكن عياط... وساعات تقلب برغي كتير يمتد لساعات وزعيق وكلام فارغ مالوش اول من آخر... ساعات تقلب بغناء ومرح ومسخرة وقلة قيمة... وتفتفه في وش اللي قاعدين .. ممكن وهو سكران وقايم يتطوح ورايح الحمام يقع بسهولة او يتكعبل وهو مش حاسس ويتعور وتبقى مشكلة انه حتى مش حاسس بالجرح ....

والمشكلة انها لو مرة وتعدي او في نهاية الاسبوع كانت هانت .. المشكلة بقى لما بيبقى ادمان يومي ... انا شفت ناس لازم لما تيجي عليهم الساعة 7 مساء لازم يكون في البيت ولو اتطربقت السما على الارض ... بيرتب حياته وظروفه انه لما تيجي عليه الساعة 7 يكون لوحده مع القزازة . وإلا... الدنيا تقلب ضلمة وتبقى دندرة.

وايه اللي يحصل بعد كدة ... يتخمد ينام زي القتييييل وصعب اوي انو يصحى غير لما يصحى لوحدة ... وطبعا في الغالب بيصحى جعان جداً زي المجنون... وساعات الجوع يقرصه وهو نايم يصحى ياكل وينام تاني لأن السبرتو ولا الكحول بيقبى عامل زي ماية النار في المعدة.. علشان كدة اخترعوا المزة جنب الشرب دايماً

والمشكلة انها لو مرة وتعدي او في نهاية الاسبوع أو في ناس تحب تشرب نبيت مع الأكل كانت هانت .. المشكلة بقى لما بيبقى ادمان يومي ... انا شفت ناس لازم لما تيجي عليهم الساعة 7 مساء لازم يكون في البيت ولو اتطربقت السما على الارض ... بيرتب حياته وظروفه انه لما تيجي عليه الساعة 7 يكون لوحده مع القزازة .

وايه اللي يحصل بعد كدة ... يتخمد ينام زي القتييييل وصعب اوي انو يصحى غير لما يصحى لوحدة ... وطبعا في الغالب بيصحى جعان جداً زي المجنون... وساعات الجوع يقرصه وهو نايم يصحى ياكل وينام تاني

وطبعا نومه مش نوم هادئ ولا حاجة ... ده نوم سكران يعني برضه في احلام مزعجة وهبد في السرير وتقلب هنا وهناك وممكن برضه يكون زي القتيل .

وطبعا الريحة - ريحة الكحول بقى وعلى حسب النوع اللي بيشربه وكل ما كان ارخص كل ما كان أنيل - بتكون لا تطاق في البيت وريحته هو شخصياً .. ريحة أنفاسه مايعلم بيها الا ربنا وطبعا ريحة الحمام بالذات .. الله يكون في عون الزوجة اللي تضطرها الظروف انها تنام جنب جوزها السكران أو لما تعاشره..

ولما يصحى الصبح... تلاقيه كلامه قليل ومزاجه متعكر واخلاقه ضيقة وزي الزفت وممكن يخانق دبان وشه.... لانه في الغالب بيكون مصدع أو مدروخ أو بالانجليزي عنده (هانج أوفر) ... تلاقيى عينه حمراااااا وحاسس انو مش فايق علشان كدة تلاقي شرب القهوة على ودنه يمكن يصحى... ده غير الريحة في انفاسه..... وغير التورمات اللي بتكون على جلده أحياناً في السُكرية المخضرمين... من احتباس المايه في الجسم من تأثير الكميات الكبيرة من الكحول في الجسم على مدى فترة من الوقت .

وتبقى الحكاية نيلة منيلة بنيله لو الباشا السُكري خلط اكتر من نوع في نفس الوقت .. السكر بيضاعف والتأثير بيكون اشد وممكن يتعب بعدها يوم أو يومين... هي المعدة هتستحمل إيه ولا ايه ؟

سلوكيات الخمر
في ناس بتشرب بشكل اجتماعي ... يعني في حفلة مثلاً او في راس السنة أو غيرها ... وكل واحد بيكون عارف ميزانه قد ايه ومايزودش عنه علشان يعرف يكون متوازن ... وبرضه بسأل نفسي.. طب لما انت عايز تكون فايق شوية بتشرب من أساسه ليه ؟؟

وفي ناس ما تقدرش تتحكم في نفسها .. بعيد عنكم زي التبول اللاإرادي ... ما يصدق يشوف قدامه اي كمية لازم يقضي عليها وده طبعا بيكون مسخرة المكان بالنسبة للفايقين وتريقة اللي حواليه.

اجتماعيات السُكر
طبعا اللي بيشرب بيكون دايما محتاج الصحبة في الشرب... ومايحبوش ان يكون في حد صاحي أو فايق في القعدة .. بالظبط زي قعدات الحشيش منها صحبة ولمة علشان بالنسبة لهم ده نوع من الترفيه وهو ده الهدف من الحكاية .. وفي الغالب بيكون سببها ان في واحد شايل الليلة وجايب المشروب والباقي بس عليهم السكر !! وفي حالات تانية بيكونوا متقاسمين تمن المشروب ... وغير انهم بيهرجوا ويضحكوا سواء بقصد او غير قصد وفي نهاية القعدة لازم الاقل سكر يساعد علشان يروحوا اللي نايمين.

وغير انها برضه نظام اجتماعي لأن حتى اللي بيبطل شرب لازم يقطع علاقته بأصحاب قعدة الشرب علشان لو استمر معاهم حتماً هيرجع للي كان فيه

وطبعا لو كان في ست عاقلة عندها شوية عقل لازم بيوصل الموضوع للطلاق .. لأن الراجل في الحالات الصعبة بيتحول لخنزير .. كل همه الشرب والسكر وحتى لو اتهدت الدنيا... هروب وانسحاب وبيحل مشاكله ومناقشاته بالشرب دايماً

الإدمان

طبعا لما يدمن خلاص... الموضوع انتهى عائلياً واجتماعياً ... والناس الفقرا لما يدمنوا هتلاقيهم في الشوارع بيتسولوا علشان يجيب تمن الإزازة .... واذا كان ميسور هتكون عيلته هي الضحية وفي الغالب بيموت بعد 20 او 30 سنة من ورا الشرب وأشهرهم رشدي أباظة وغيره كتير اللي ماتوا من ورا امراض اغلبيتها الكبد بسبب الشرب

مواقف حقيقية :
واحد سكران قام بالليل طبعا عايز يدخل الحمام من كتر السوائل اللي بيشربها ... حتى ما قدرش يميز الحمام من الدولاب .. وفتح باب الدولاب أوضة النوم وبدأ في التبول وخلص عاااااادي جداً وراح نام... اكتشفوا الموضوع امتى ؟؟ تاني يوم الصبح ! الخدامة شافته بالليل لكن هتعمل ايه؟ سكران

واحد تاني جرس الباب رن وهو مسطول على الكنبة ، رن جرس الباب ، ماقدرش يميز اذا كان باب اوضته مفتوح ولا مقفول دخل فيه عادي جداً وطبعا اتعور وكل اللي شافه الدم على هدومه.. لكن هل حس بالوجع بعد شفايفه ما اتفتحت ؟؟؟ أبداً .. وصحي تاني يوم الصبح يسأل اللي كانوا معاه هو حصل ايه بالضبط ؟

واحد هندي قاعد في نايت كلاب شرب وسكر وفي شلة تانية خليجيين قاعدة على ترابيزة تانية ، بص لواحد منهم وقام وقاله وشك مش عاجبني ... طبعا اخد علقة موت ووشه بقى شوارع وجه تاني يوم المكتب لابس نظارة شمس .. قال بيخفي آثار العلقة اللي اخدها ليلة امبارح

أكيد كلنا سمعنا من هنا ولاهناك عن راجل كبير يعتدي على بنته... وراجل تاني يطرد مراته - وهو سكران في انصاص الليالي - قال علشان مش لاقي القطة بتاعته ... والتاني كان يروح بيت اخوه وهو سكران ويقعد للساعة 3 و4 صباحاً يشتم ويزعق ويسب ويلعن في مراته ويتهيألوا انها بتسرق فلوس من وراه علشان تشتري أرض !!!! ... ولما يصحى الصبح ما يفتكرش حاجة من ده كله

والمواقف من دي كتير قوي

طيب في حل ؟؟؟

جماعة معارفنا كان ابوهم الله يرحمه سكري من سنين طويلة ... لما كبروا وفهموا وهو كما كبر .. اجتمعوا عليه وقرروا ان ولا واحد منهم هيجيبله ازازه علشان يفهم انه خلاص بقى ماعادش محتمل .. لما لقى ان مافيش حل بقى يلجأ لأولاد أخوه يجيبوله اللي هو عايزة وألا يشتكيهم لأخوه

ختام
أما ليه بقى الناس بتدمن الشرب... لأنها زي المخدرات ... هروب من الواقع... غيبوبة اتعودوا عليها وبيحبوا تأثيرها رغم معرفتهم الكويسة جدا للمخاطر والبلاوي المصاحبة ليها ... هروب وانسحاب من واقع لو عاشه بكامل قواه العقلية يتعب .... علشان كدة يلجأ للخمرة لغاية ما يدمن الكحول نفسه ومايقدرش يعيش من غير حالة التوهان اليومية اللي بتساعده على احتمال الواقع بتاعه اي كان ... غربة ... تعاسة في الحياة... فقر... بعد عن الأهل والأحبة أو غيره . وتبدأ أيده تترعش واعصابه تبوظ ساعة الشرب لو إتأخر شوية ....... في ناس تانية بتبقى مستريحة والمسألة بالنسبة لها تعود وفرفشة ولمة أصحاب.... في ناس تانية بالنسبة لها السكر والخمرة وجاهة اجتماعية - يعني نادي خاص بيه هو واللي زيه - و بكدة يفصل نفسه عن عامة الناس اللي كلها بتشرب بيبس وكوكا كولا اليومين دول... يقولك قال بيهضم بعد الأكل ... وفي شباب بقى ما لهمش فيها بس يقولك اهي تفاريح وفرفشة في يوم ولا يومين في السنة وتجارب لابد منها

وعلشان كل ده كان رأي الدين في الموضوع ده

{يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالأَنْصَابُ وَالأَزْلامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ }
المائدة /90- 92.
صدق الله العظيم

طراف الويكيبيديا -3 - نداء من شاب مصري إلى محمود سعد

http://ar.wikipedia.org

أثناء العمل في الويكيبيديا يصادف المرء الكثير من الكتابات والمداخلات العجيبة ، نداء إلى مسؤول ... رسالة إعجاب لفنان .. فقير يطلب مساعدة من أمير منطقة بالسعودية ... مصري يعرض مشكلة على المجلس المحلي .. شباب من الأرياف يذكرون شباب القرية شاباً شاباً والصيدلية الوحيدة والدكتورة هناء صاحبتها..... وقد حافظت على بعض هذه النماذج قبل أن تحذف


المداخلة التالية تمت إضافتها يوم 15 يونيو 2007
نداء من شاب مصري إسمه (محمد تاية عبدالسميع) إلى محمود سعد تحت مقالة : التليفزيون المصري

التليفزيون المصري

من ويكيبيديا ، الموسوعة الحرة

اذهب إلى: تصفح, بحث

السلام عليكم ورحمة الله وبركاتة استاذنا الفاضل استاذ محمود سعد انا عندى مشكة وارجو المساعدة من حضرتكم عرفت بنت وحبيتها وهى كمان بتحبنى من تلات ايام كنت بتمشى انا وهى بدون علم اهلها طبعا وقابلنا ظابط اخدنى انا وهى على القسم وعملنا محضر فعل فاضح فى الطريق العام وانا اقسملك بالله انى معملتش حاجة ولا انا ولا هى بس اكن الظابط يعنى فى بينى وبينة ثار او حاجة شبة ذلك اتحبست انا وهى فى القسم وتانى يوم خرجنا على النيابة وكانت المفاجاة ان اتعملنا قضية

انا حاصل على معهد فنى تجارى وبشتغل كافتيرى اهلها طالبين دلوقتى بعد بنتهم ما اتفضحت طبعا انى اقرى فاتحة فى خلال اسبوع انا مش معايا حتى مائة جنية عشان اجيب لنفسى طقم البسة وانا رايح اقرى فاتحة ومش عارف اعمل اية بس انا ليا طلب عند حضرتك وطبعا دا اذا قدرك علية ربنا انا محتاج دبلة ومحبس اقرى بيهم فاتحة ولو مش عشان خاطرى فا دا عشان خاطر البنت المسكينة اللى اتفضحت دى واللى يقدرك علية ربنا وانا مستنى الرد من حضرتك فى اسرع وقت

التعليق : تخليوا شاباً مثل هذا ... يبدأ حياته بفضيحة وقضية وليس معه حتى ثمن دبلة الخطوبة وليس هناك من يلجأ إليه سوى أن يضع مناشدته على الويكيبيديا تحت مقالة - التليفزيون المصري والتي ستمسح ولن يصل صوته إلى أحد ... ترى ما الذي حدث له؟؟؟؟؟؟؟

طرائف الويكيبيديا - 2

http://ar.wikipedia.org

أثناء العمل في الويكيبيديا يصادف المرء الكثير من الكتابات والمداخلات العجيبة ، نداء إلى مسؤول ... رسالة إعجاب لفنان .. فقير يطلب مساعدة من أمير منطقة بالسعودية ... مصري يعرض مشكلة على المجلس المحلي .. شباب من الأرياف يذكرون شباب القرية شاباً شاباً والصيدلية الوحيدة والدكتورة هناء صاحبتها..... وقد حافظت على بعض هذه النماذج قبل أن تحذف


المداخلة التالية لشاب جزائري يريد العمل في المخابرات :)

جواسيس
الجمهورية الجزائرية الديمقراطية الشعبية

السيد... شرما ط مالك
الهاتف...091712263
العنوان... الحالي فندق بن علي حاسي مسعود ورقلة
سيدي أنا ساب جزائري ميتم بحب الوطن الحبيب الجزائر إلى درجة الجنون وأتمنى أن أكون خادم للوطن الحبيب
أريد أن أكون أحد العناصر التي تقوم بالسهر على راحة الوطن لاوالمواطن الجزائري
سيدي الكريم أقسم بالله العظيم أمنيتي ان اكون أحد جواسيس الجزائر في أي مكان و في أي وقت
المهم أن تتحقق أنيتي سيدي.
أرجوكم ساعدوني للوصول إلى هته المرتبة من فضلكم .
المهم العمل معكم أو لأي جهاز أمني
الشرطة القضائية أو المخابرات الحرس الشخصي لأي مسوؤل غيور على وطنه
المهم حياتي كلهاللجزائر الحبيبة سيدي
الموت حق على الأقل تكون من أجل الوطن

**************************

المداخلة التالية لشاب يبحث عن أهله :)

رابط (انترنت)
مرحبا بكم لآاعرف كيف دخلت على هذه الصفحة ارجو ان تقرا رسالة ان كان بالآمكان مساعدة اسمي رياض انطوان حموي اعيش في السويد ولي ابناء عم يسكنون في فنزويلا كاراكس واحاول العثور عليهم من زمن بعيد لكن بدون جدوى اسم العاءلة حموي اسم اولاد عمي هي سليم جورج حموي واخر طوني جورج حموي واختهم جيماحموي انا دخلت على موقع كاراكس في انترنت واعطتني هذه الصفحة اذ كان بامكانكم مساعدة في ايجادهم شكرا لكم وعنواني هو/ RIADRIAD2@HOTMAIL.COM


**************************

المداخلة التالية لطفلة عمرها 7 سنوات تطلب عرض مسلسل كارتون على الجهاز حاااااالا :)

فلة و الاقزام السبعة
اتمنى منكم ان تعرضوا فلة والاقزام السبعة الان على الكمبيوتر ارجوكمممم...

**************************

المداخلة التالية لشخص عماني يتحدث عن مقبرة الأسرة السهلة الحفر جداً :)

تصنيف:مقابر
مقبرة بر فارس
هيه مقبرة خاصة لعائلة الشيخ المرحوم زاهر بن غصن بن هلال الهنائي. في سلطنة عمان بالمنطقة الداخلية، ولاية بهلا الغافات. وبقدرة قادر تتميز هذه المقبرة بسهولة الحفر فيها ، عكس المقبرة المحيطة بها. كذالك هذه المقبرة تتميز بكثرة الأشجار والحشائش، فعلى الرغم من أنها مقبرة ولكن يقال عند دخول الشخص فيها من أجل قرائة الفاتحة على الموتى يحس بشعور مريح بها، وسبحان الله العلي العضيم.

**************************

المداخلة التالية لجاسوس يبعث رسالة إلى الرجل المسؤول عنه :)

نقاش:منظمة
كيف حالك يابورتر غوس وكيف حال (*** **** ) كلنتون قريبا سأرسل الكتاب ـ الذي قمت بإعداده ـ ليطلع العالم على قذارتكم وغسيلكم الوسخ وأول من سيطلع علبه ـ أي الكتاب ـ هوحزب الله متى ستنتهي الحرب ضدي .أصبحت بلا معنى أ ليس كذلك !؟ سأسأل بعض الأسئلة وأرجو الرد عليها:لماذا أعلنتم الحرب ضدي هل هو التجنيد أم ماذا؟ الثاني إذا كان التجنيد فأنا موافق بشرط إنهاء الحرب وسفري من تركيا؟ ثم لماذا أنا دونا عن غيري بماذا أفيدكم أنتم لديكم من القدرات التقنية ما تستطيعون بها أن تستغنوا عن جميع العملاء وفي ظل الأقمار الاصطناعية التي تراقب حتى مايجول في خاطر الانسان يبدو أن عميل بشري أصبحت فكرة سخيفة ومن مخلفات الحرب العالمية الثانية؟ ما هي النهاية لا أمل في أن تغيروا من وضعي بل كله لعب، وضحك على الذقون وتسويف وهاهي عشرة أعوام قد مرت دون أن أعرف ما سر الحرب ضدي ؟ لماذا كان كل ذلك ؟ هل منحوك رتبة في الموساد ؟ وهل منحوا جورج بوش رتبة أيضا؟ أريد بشدة أن أعرف لماذاأنا مركون ومغيب ؟ ها أنا أكتب لكم وأرجو الرد ؟ لا تتكلموا عن المحرقة لأنها أصبحت أسطوانة حمضانة وتكشف عملاءكم من أمثال العفيف الأخضر وحازم صاغية وجهاد الخازن في جريدة الحياة ؟ ولاتصدق أن أحدا في العالم العربي يؤمن بهذه الأسطورة السخيفة التي بها أثقلتم رؤوسنا ؟ وكل من يدعي عكس ذلك في العالم العربي هو كذاب كبير ومنافق ويسعى لإرضاء المشرفين عليه في وكالتكم غي المحترمة. مرة أخرى أريد أن تحل مشكلاتي وأنتم قادرون على ذلك ؟ بسفري من تركيا وإكمالي الماجستير في أستراليا أو كندا أو حتى أمريكا.أعمل يوميا أحدى عشرة ساعة في ظروف أن تعلمها عن طريق أقماركم الاصطناعية وتعلم ماذا أردد في نفسي: لعنات وشتائم أنزلها بحق السافل كلنتون .صديق عربي للاستخبارات الأمريكية (مرة وحدة) في حزيران 1998 في جريدة الحياة ،وخرجت خالي الوفاض فلا زواج بكاي ولاسفر ولا جنسية وطرد من مصر المحروسة بأمر من الشرموطة كلنتون الذي أمر حماره الكبير حسني مبارك بدوره .ويطرد الوالد هو الآخر . حسبنا الله ونعم الوكيل .هذا رقم هاتفي فليتصل بي من تظنه يستطيع أن يفهمني . لا أريد إجابتكم عن طريق مقالات جهاد الخازن أو حازم صاغية أريدها مباشرة منكم هاتفي: 00905059281849 وارجو الرد هذه المرة . الصعوبة تكمن في أن المرء لا يعلم مصيره ومصيره مرتهن في يد شخص غبي وشاذ وسادي ككلنتون أرجو الرد هذه المرة - مضر الزعبي

لن اتحدث كثيرا عن الخيبه

الرسالة التالية أتتي من أحد الأصدقاء وأنشرها كما هي بدون تغيير.....

لن اتحدث كثيرا عن الخيبه (القويه) التي اصابت الطب المصري و الاطباء حيث ان حالهم لا يخفي علي احد و فضائح اخطاء الاطباء اصبحت كمسلسلات رمضان(ممطوطه و ممله)حيث انه من المؤكد ان ابوقراط (ابو الطب) لو علم بما يحدث الان لتخلي عن هذه الابوه و سرح بفجل او جرجير حيث لا يوجد كذب او غش في الجرجير: اما جرجير دبلان او صابح و لا خيار ثالث الحكايه بدات في مدينه الغردقه حيث اعيش حيث ذهب احد اصدقائي بعد ان اشتكي من الام في كليته (ليس المجال الان لمناقشه :

لماذا و حتي الان لم توفر الدوله خط مياه عزبه من نهر النيل المبارك الي الغردقه و توفر علينا عبء مصاريف المياه المعدنيه والتي بعد فتره طويله من الاستخدام تؤدي بدورها الي تكون الحصوات و الاملاح او عبء شراء مياه التحليه او مياه سيارات الفناطيس التي تاتي من مدينه قنا وتباع لسكان الغردقه بتكلفه 15 جنيه للطن و هي ايضا بفعل التخزين في هذه الفناطيس غير صالحه للشرب)ذهبت مع صديقي الى المستشفي لعمل التحاليل و الفحوصات الازمه و كانت الفاجعه : فشل كلوي مزمن و حاد و بولينا في الدم واكد الطبيب ان امام صديقي اقل من شهرين و يقابل وجه كريم!!وبعد انهيارات و دموع نصحته باءعاده الكشف عند طبيب اخر فكانت نفس النتيجه و قام صديقي بتصفيه ممتلكاته بالغردقه مؤثرا العوده الي بلدته بجنوب مصر ليقضي ما بقي له من ايام مع اسرته و كتب وصيته و اعد مدفن العائله و تطبيقا للمبدا الشهير (ضربوا الاعور علي عينه قال خسرانه خسرانه) فلقد اخذ يشرب من مياه(القلل القناوي الشهيره و كذلك مياه (الطرمبه العتيقه)و لاحظ انه لم ينهار او تسوء حالته!!!و بعد مداولات تم اقناعه بضروره اعاده الكشف مره اخري(للمره السادسه)فصرخ الطبيب كبير السن و الخبره و المقام : دكتور مين الحمار الى قاللك الكلام ده!!!انت عندك بس شويه املاح خد الفوار ده حتبقي ذي الحصان!!! اتضح بعد ذلك ان جميع الاطباء كانوا يبنون تشخيصهم علي التحليل الاول الذي ينتمى لمريض اخر و تم تسليمه لصديقى عن طريق الخطا كالمعتاد!!!

و علي طريقه الفلاش باك استرجعت واقعه حدثت لاحد السياح في المجموعه الخاصه بي حيث اعمل كمرشد سياحي :فقد تدهورت حاله احد السياح بشكل مفاجئ و سريع و لقد حاولت المساعده بكل ما اوتيت من جهد: نظرا للمسؤليه الادبيه و الجنائيه و كذلك من منطلق دينى الا ان قدرات المستشفي الاستثماري الكبير الذي نقلت المريض اليه لم تستطع مواجه الموقف و بعد اتصالات و مداولات ارسلت دولته طائره اسعاف صغيره(اي والله)لنقل السائح ليعالج في دولته(المانيا) معزز مكرم و قبل ان تفكر في ان هذا السائح ربما يكون ديبلوماسيا او ما شابه : والله انه مواطن عادي فوق سن الستين علي المعاش والتامين الصحي في بلاده سيغطي نفقات العلاج و الطائره و كذلك تلك الطبيبه الشقراء التي قابلتنا بابتسامه تشفي العليل علي باب الطائرهّّّ!!!

لا اجد تعليقا اخر سوى الدعاء للمواطن المصري بدوام الصحه و العافيه و عجبي(مع الاعتزار لصلاح جاهين)

ملحوظه:بعد معرفه الخبر ان التحليل كان خطا و ان صديقي صاغ سليم سافر اهله الي مدينه الغردقه مره اخري (مشحونين في اربع سيارات نقل) لمقابله الطبيب المخطئ و التحدث معه بشكل ودي!!!

إللي ليه ضهر ما ينضربش على بطنه

في يوم من الأيام طلع الحرامي يسترزق ... دور على ركن مستخبي في شارع هادي وأخد له ناصية وقعد يستنى ضحية تكون هبلة... وعشان حظه النهاردة كان حظ عواااالم ... وأوب يامعلم .. فجأة جاتله إللي عليها العين.. قشطة يامعلم الشغل ابتدى

الست راجعة من شغلها ماشيه في الشارع بتتمختر ولا على بالها وبتغني : بمبي .. بمبي.. بمبي .. بمبي... ياختي عليا وعلى جمال أمي ... أهبل ..أهوس..... وفجأة

الحرامي بصوت غليظ :بمبي ياروح خالتك ؟؟ ده انتي نهارك أسود النهاردة ... إرفعي ايدك ياولية ... وهاتي إللي معاكي لأخلي أكبر حتة في نافوخك قد الشلن

هاتي الشنطة بلاش غتاتة... يا ساااااتررر !!!... أما ولية سقيلة صحيح

فجأة وبدون مقدمات ظهر ظابط ما تعرفش منين وطلع مسدسه وفي قفا الحرامي

الست : أحمدك يا رب ! ... ظابط ؟؟ أحمدك يارب !!! يحيا العدل !!... جالك الموت يا تارك الصلاة!.. علشان تبقى

تتشطر على الستات يا حبيبي... ( وعلى ضحكة ماري منيب) : أههااهااااي

الست بتكمل فش غلها في الحرامي : ده أنا لسه قابضة الجمعية يا كفرة .... أحمدك يا رااااب

الظابط : مييين ؟؟ برعي ؟؟؟؟ يا نهار أبيااااااض ... بالحضن ياوااااااد ... فينك يا وسخ السنين دي كلها؟؟ بقيت حرامي ؟؟ طول عمرك شقي ... بالحضن بالحضن الست وهي هتتشل من الصدمة وبقها بدأ يتعوج فعلاً : إيه ده ؟؟؟ كمان بيحضنوا ويبوسوا ؟؟؟ يا ولاد الكاااااالب

وراح اللون البمبي واسودت الدنيا في وشها خلاص والدم ضرب في نافوخها : أه.. يا بلد وسخة ... طلعتوا صحاب ؟؟؟ حاميها حراميها صحيح !!! وديني لأوريكوا ياولاد الكلب ومش هسيب حقي أبدا

جريت الست وهي متغاظة .. لغاية لما وصلت قسم الشرطة

وهناك : عايزة أبلغ عن حرامي حاول يسرقني ولما جه الضابط طلعوا صحاب ... عايزة حقي يا عالم

طبعا الروتين أخد مجراه وقالولها اكتبي محضر واحنا هنعمل اللازم .. ومن القسم على النيابة.. ومن النيابة ....على المحكمة .. آخر مرمطة وقلة قيمة وكأنها هي اللي سرقت ....وفي يوم الجلسة

الحاجب ينادي بأعلى صوته لحظة دخول القاضي

محكمة !!!!... قيام

طبعا يامعلم برعي ولطفي قاعدين في قفص الاتهام حالتهم كررررب !.. مش عارفين ايه اللي ممكن يحصل

....المهم
دخل القاضي بكل هيبة والدنيا هس هس .. ترمي الإبرة ترن .. والست يا عيني مستنية العدالة الإلهية على لسان القاضي الموقر

فتح القاضي أوراقه .. وبدأ الحاجب ينادي على القضية

بص القاضي على المتهمين من تحت النظارة .. وفجأة ضحك وقام وقف على حيله وراح الوقار خالص

القاضي وعلى وشه هبل الدنيا والآخرة : لأ لأ ما تقوليش بقى ؟؟؟ برعي ولطفي ؟؟؟!! هو انتو المتهمين ...ياحبايبي ( يضحك ويهز كرشه) ... ازيك ياواد منك ليه؟؟؟ إطلعوا إطلعوا .. نعالوا اقعدوا جنبي خلونا نفتكر الأيام الحلوة.. يامرحب يا مرحب ..ازيكوا يا عيال

.....النهاية

تقرير الإسعاف بيقول ان الست جالها هستريا في قاعة المحكمة أدت إلى شلل رباعي

وهطل مزمن وبقها طبعا اتعوج... ومن يومها ببقت تتكلم زي يوسف بك وهبي بالظبط وهي بتغني أغنيتها المفضلة : ياأبو الشريط الأحمر ياللي .. أسرتني ارحم ذلي

صحيح : إللي ليه ظهر ما ينضربش على بطنه

حافظ على صحابك يمكن في يوم من الأيام تقابل منهم حد يكون أصيل ساعة زنقة

واللي ما تحتاجش لوشه .. بكرة يمكن تحتاج لقفاه