لفت انتباهي هذا الخبر! ( الألمان يغزون الطرق بـ68 مليون دراجة!)...عندما يقرر الألمان ركوب الدراجات يصبح خبراً صحفياً.. ومش خبر قصير وعابر زي بقية الاخبار الخفيفة اللي مالية الجرايد والمجلات!... لااا خبر كبير واخد 4 عامود!! ...طب ما الشعوب الآسيوية راكبة الدراجات من ساعة ما البشر اخترعوها.. ماحدش جاب سيرتهم ليه؟
لكن لأ!.. لما الألمان اللي اخترعوا الـ (بي ام دبليو) والـ (فولكس فاجن) والـ (أودي) يقرروا يسيبوا السيارات دي ويركبوا الدراجات بدل منها، يصبح الأمر مختلف.. يبقى الموضوع في أنااااا
على اي حال بصرف النظر عن النقطة دي... فهو خبر مهم ... خاصة وإن- على مايبدو – ان الدراجات دي هي مستقبل الانتقالات مع البشر !!!.. أيوة.. بعد مشاكل الاحتباس الحراري- ونقص الوقود - وارتفاع اسعاره في العالم كله .. اكيد هتكون المركبات الي تسير بالبطاريات الكهربائية والدراجات .. هي مستقبل -الانتقالات الفردية - على الأقل
لكن في جانب تاني للموضوع .. الدراجات دي لا تصلح لجميع الأجواء!!.. الدراجة عشان تقدر تمشي بيها وتعتبرها وسيلة مواصلات يومية – لا يمكن ان يكون جو حار قاتل زي جو الخليج مثلاُ – أو حتى أمطار شديدة وسيول وفيضانات – أو حتى تلج!! – الدراجة عشان تبقى فعالة ومستديمة ... لازم يكون الجو معتدل!.. أو شبه معتدل... والطريق مستوي وعدل ومش رمل!!! .. ساعتها تقدر تركبها كل يوم وتروح بيها شغلك
ثانياً ... لازم تكون أعزب أو عزباء!!.. ويكون شغلك - نسبياً - قريب من بيت.. يعني حسبة كيلومترات قليلة
ثالثاُ... لازم يكون ليها طريق أو مسار خاص في الشارع – حتى ولو عرض متر – علشان السيارات والباصات وحتى شاحنات النقل ما تهرسهاش ويصبح الدراج من دول شهيد العجلة!!
رابعاً ...بقى وهو الأهم.. لازم نظرة الناس تتغير للي راكب عجلة.. يعني مش كل من ركب عجلة بقى بتاع لبن ولا انابيب بوتاجاز
غير كده الدراجة فعلا روعة ومتعة ورياضة وهواء منعش وترويح عن النفس وتنشيط للدورة الدموية – وغير كدة.. صديقة جداً للبيئة عشان كدة الدراجات ليها أهميتها في دول أوروبا بشكل عام واسكندنافيا وغيرها - ده غير الدول الآسيوية زي كوريا وسنغافورة وماليزيا وتايوان .... اللي للأسف ما نعرفش عنهم كتير
وينقح العرق في رقبة واحد من بتوع النيل رواه والخير جواه ويصرخ .... يعني العجلاتيه بتوعنا لو كانوا يعرفوا ألماني... ولا الواحد منهم كان عنده بطاقة شخصية حتى!!!... مش كانوا زمانهم راحوا ألمانيا ...وعملوا قرشين في هوجة عرابي... قصدي هوجة العجل الكبيرة دي.؟؟ ههههههه وعجبي
ألمان - ألمانيا - ركوب دراجات - رياضة