الجمعة, يونيو 15, 2007
Enbee
أثناء العمل في الويكيبيديا يصادف المرء الكثير من الكتابات والمداخلات العجيبة ، نداء إلى مسؤول ... رسالة إعجاب لفنان .. فقير يطلب مساعدة من أمير منطقة بالسعودية ... مصري يعرض مشكلة على المجلس المحلي .. شباب من الأرياف يذكرون شباب القرية شاباً شاباً والصيدلية الوحيدة والدكتورة هناء صاحبتها..... وقد حافظت على بعض هذه النماذج قبل أن تحذف
المداخلة التالية تمت إضافتها يوم 15 يونيو 2007
نداء من شاب مصري إسمه (محمد تاية عبدالسميع) إلى محمود سعد تحت مقالة : التليفزيون المصري
التليفزيون المصري
من ويكيبيديا ، الموسوعة الحرة
السلام عليكم ورحمة الله وبركاتة استاذنا الفاضل استاذ محمود سعد انا عندى مشكة وارجو المساعدة من حضرتكم عرفت بنت وحبيتها وهى كمان بتحبنى من تلات ايام كنت بتمشى انا وهى بدون علم اهلها طبعا وقابلنا ظابط اخدنى انا وهى على القسم وعملنا محضر فعل فاضح فى الطريق العام وانا اقسملك بالله انى معملتش حاجة ولا انا ولا هى بس اكن الظابط يعنى فى بينى وبينة ثار او حاجة شبة ذلك اتحبست انا وهى فى القسم وتانى يوم خرجنا على النيابة وكانت المفاجاة ان اتعملنا قضية
انا حاصل على معهد فنى تجارى وبشتغل كافتيرى اهلها طالبين دلوقتى بعد بنتهم ما اتفضحت طبعا انى اقرى فاتحة فى خلال اسبوع انا مش معايا حتى مائة جنية عشان اجيب لنفسى طقم البسة وانا رايح اقرى فاتحة ومش عارف اعمل اية بس انا ليا طلب عند حضرتك وطبعا دا اذا قدرك علية ربنا انا محتاج دبلة ومحبس اقرى بيهم فاتحة ولو مش عشان خاطرى فا دا عشان خاطر البنت المسكينة اللى اتفضحت دى واللى يقدرك علية ربنا وانا مستنى الرد من حضرتك فى اسرع وقت
التعليق : تخليوا شاباً مثل هذا ... يبدأ حياته بفضيحة وقضية وليس معه حتى ثمن دبلة الخطوبة وليس هناك من يلجأ إليه سوى أن يضع مناشدته على الويكيبيديا تحت مقالة - التليفزيون المصري والتي ستمسح ولن يصل صوته إلى أحد ... ترى ما الذي حدث له؟؟؟؟؟؟؟
4 تعليق - COMMENT HERE:
صدقني المشكلة مش في الموقف اللي إتعرض له
المشكلة أصلا في طريقة التفكير والعرض والتوقيت
وده مثال كاف لمشكلة اصبحت تتملك كثيرا منا لاأحد يعرف كيف يحدد من يشتكي له وكيف يشتكي له ومتى يشتكي له
يعني هذا الشاب لا يعرف بالرغم من السن التي وصل لها إذا واجهته مشكلة كيف يعرضها بالله عليك هو اي حتة اقدر اكتب فيها أروح طارح مشكلتي مش لازم اشوف هل المكان مناسب ولا لأ ونوعيه القارئ هل يناسبه عرض المشكلة وهل هذا الشخص الذي اعرض عليه مشكلتي قادر على المساعدة
هذا الشاب عنده مشكلة ولايري ان احد يحلها له إلا محمود سعد
سبحان الله
أهلاً يا أحمد .. أنا بقى عكسك تمام.. من كتر ما شفت هناك شكاوى عجيبة.. ونداءات أغرب من الخيال لا تظن انها قد تصدر من شخص عاقل يدرك وعنده كومون سنس !!!!فأصبح موضوع مكان بث الشكوى عادي بالنسبة لي لا يشغلني كثيراً ... لكن على اي حال
أديك شفت ... هو معهد فني تجاري وشغال كافيتيري ... يعني كويس قوي انه وصل للنت وكمان للويكيبييديا واكتشف ا نه مممكن يكتب فيها كمان .. والله ده شيء عظيم ... رغم انه تعليمه وثقافته على قده
والواحد لما بيكون عنده مشكلة كبيرة بيكون زي الغريق اللي بيتنجى في قشايه
المشكلة بالنسبة لي هو الموقف اللي اتعرضله المسكين ده .. لاني شفت تعسف الشرطة بنفسي وشفت ناس غلابه بتتبهدل وهما ما لهمش ضهر .. وشفت ناس مالهاش في اي حاجة ولبست قضايا تودي في داهيه
تحياتي وأهلا بيك
لا حول و لا قوة الا بالله
اصدق مين و اكذب مين
اوروفوار
شفتي بقى الموضوع محير إزاي ؟ .. هو انا اتكحرت من شوية؟؟ ده الموضوع كبير ... كبير قوي ..ههههههه
تحياتي وأول زيارة خطوة عزيزة
:)
إرسال تعليق