مرأة - ثون

مرأة - ثون

الجمعة:انطلاق سباق مرأة-ثون 4/26/2007 8:03:00 PM
القاهرة - تنظم حركة سوزان مبارك الدولية للمرأة من أجل السلام برئاسة السيدة سوزان مبارك قرينة السيد رئيس الجمهورية ورئيس ومؤسس الحركة (الجمعة) سباقا للجرى والمشى (مرأة ثون) باستاد القاهرة الدولى بمشاركة حوالى 8 آلاف سيدة وفتاة.
ويوجه السباق الذى يعد الأول من نوعه على أرض مصر رسالة يدعو فيها المرأة المصرية لممارسة الرياضة وجعلها أداة للسلم والتنمية وذلك من خلال فهم أعمق لمفهوم الرياضة ومساهمتها الايجابية فى إحلال مناخ من التسامح والفهم

ونبذ العنف وإحترام الأخرين

.
نص الخبر هنا

وبالطبع أثار هذا الخبر جدالاً واسعاً بين الصديقين اللدودين قاسم السماوي وعبده الرايق

المكان : مقهى في منطقة وسط البلد
الزمان : الساعة السادسة مساءاً
مؤثرات صوتية : أصوات السيارات على الطريق + أصوات المارة أمام المقهي والحركة بالداخل - أصوات لعب

دومينو وصوت كركرة شيشة عجمي بجانبهم

قاسم السماوي ( يقرأ عن الخبر بالجريدة ) ثم يفتح فمه ساخراً : ماراثون !!!!.. هم فاكرين نفسيهم في أوروبا ولا أمريكا ؟؟؟! قال.. مرة - ثون.. قال ؟؟ ههههااااي ... دعوة للرياضة ؟ في مصر ؟؟؟ وكمان (أداة للسلم والتنمية) !! يعني ياخي هيحلوا قضية فلسطين لما شوية هبايل يجروا في الشارع ؟؟... مراثون ايه ورياضة إيه .. وهباب ايه ؟ دي الست ولا البنت من دول على بترجع بيتها من شغلها ولا دراستها بتكون اتبهدلت من المعاكسات وقلة الأدب اللي عمال على بطال !.. ده غير الشوارع اللي من غير رصيف الناس تمشي عليه من أصله .. والتلوث اللي يكتم النفس ... يا راجل خليهم في بيوتهم احسن ده البيوت سترة.. انت ما شفتش السحابة السودة ؟؟؟ خليهم يعملولهم نوادي الأول وبعدين يتكلموا عن الرياضية ! دي الشيش في البلد بقت أكتر من البني آدمين !!!

بلاش .. ( قال نبذ العنف واحترام الأخرين ) !!!! ..أنت ما سمعتش عن أحداث التحرش في العيد اللي فات ؟؟؟ واهو لا كانوا بيمشوا ولا بيلعبوا رياضية ! فما بالك لما ينزلوا بالترننج في الشوارع.. طب خلي واحدة منهم تعدي قدام قهوة كدة شوف ايه اللي هيجرالها ؟؟؟؟ تصفير وتريقة وضحك للصبح !

ولا مجموعات الشباب الصيع اللي هتمشي وراهم وتقعد تتمسخر عليهم وتهزأ فيهم لغاية ما يكرهوا عمرهم !

كمان يعني هي مشاكلنا خلصت لما مافاضلش غير المشي نتكلم فيه ؟؟ ما الناس كلها بتمشي لما كعوبها تتشقق !!

عبده الرايق : يا سااااتر عليك يا قاسم ! أما إن أمرك عجيب ! طب والله دي حاجة مشرفة وتفرح !!!! 8 ألاف بنت وست ... يعني لو كانوا قالوا الماراثون ده للرجالة بالكتير 15 هيروحوا يجروا !

ثم انت زعلان اوي كدة ليه ؟؟ ... يعني عايزهم يفضلوا طول عمرهم كدة ؟ ماهو لازم يكون في توعيه وكل شيء حلو وليه بداية .. صحيح ممكن تكون بداية صعبة لكن أهه بداية !... ولما الناس في بلدك تتعود على الحاجة مش هيكون شيء غريب بعد كدة ! شوية شوية الناس في الشارع هتتعود تحترم اللي بتعمل رياضة في الشارع ! ويتعودوا يحترموا الخصوصية !

... إنت مش شايف إن المصريين عموماً ما بيهتموش بوزنهم ولا لياقتهم ؟؟ لازم يكون في نموذج ويتعمم لغاية ما الناس تقبله ! عجايب عليك يا أخي ! طول مافي ناس زيك في البلد عمرها ما هتتقدم !

مؤثرات صوتية مفاجأة : صوت خناقة خارج المقهى وتكسير زجاجات وانقلاب طاولات بعد معاكسة أحد الجالسين لفتاة تسير مع خطيبها على الرصيف الضيق !

- أنتهى-