الثلاثاء، نوفمبر 07، 2006


إلى أخواتي وبنات عمي وبنات خالتي وزميلاتي وقريباتي و و.. و.. وأم عربي البقالة .. وكل النساء والبنات اللي اعرفهم واللي ما اعرفهمش إللي اترعبوا من موضوع التحرش إللي تفاصيله كلها منشورة في مدونة الوعي المصري هنا ..

وكمان في مالكوم إكس عند مالك هنا
أكتب هذه الكلمات بعد أن قرأت في إحدى المدونات خواطر أحدى الأخوات بعد أن سمعت أخبار التحرش الذي حدث في وسط البلد .. وهي :




أخي المتحرش كده عيب "


"أخي المتحرش ممنوع التحرش"

"منطقة امنه ممنوع التحرش"

"فخور لأني غير متحرش"

"مصر خالية من التحرش"



وفي الواقع ضحكت ، فالشعارات التي أرادت أن تنشرها - وإحدى البنات إللي علقت على الموضوع .. مثيرة للضحك .. بل والشفقة - واضح أنها مؤدبة وطيبة جداً يا عيني .. هو اللي بيتحرش ده بيقرأ ؟؟ ده عامل زي التور الهايج.. هو أساساً لو بيفكر ما يعملهاش .. حد عنده وقت يقرأ؟ والشعارات ما تجيبش نتيجة في الحالة دي


إفتكري دايماً ... أنت الأقوى .. تقدري تخلي فضيحته بجلاجل 

طبعا أنا مش باتكلم عن التحرش الجماعي .. دي حاجة استثنائية علاجها أمني بحت .. شوية عساكر في المكان في المرة اللي جاية

أنا بأتكلم عن حالات التحرش الفردية

يا بنتي منك ليها .. أولاً لازم البنات والستات تبطل تخاف من الرجالة والشباب في الشارع والمواصلات .. ده زيك زيه .. والنوع اللي بيتحرش .. بيكون عامل زي الكلب ... لو شم ريحة الخوف في الضحية بيعضها.. إنما لو شاف منك صلابة وقوة وعدم خوف .. هيحط ( ديله ) بين رجلية ويجري

ثانياً ..اللي بيتحرش ده يا بنتي .. بنى أدم غلبان وعنده طاقه زايدة .. كل اللي هو عايزة إنه يلمسك .. عايز يجرب ملمس جسم الأنثى شكله ايه - دراعاتها .. بطنها .. صدرها !! .. مع كل الاغراء والرقص والبلاوي اللي بيشوفها في الشارع وعلى التليفزيون والانترنت .. نفسه يجرب يحط ايده على واحدة .. يلمسها بس

ثالثاُ .. إنتي مش عروسة حلاوة لو لمسك حياخد منك حته ولا هيضيع عذريتك ولا شرفك !! أبداً وبعدين الستات في العالم كله بتتعرض للتحرش .. حتى الستات في الجيش - الجيش الاسرائيلي على سبيل المثال.... والرجالة كمان بتتعرض لتحرش من الستات - يمكن ما شفتوش إنتوا .. بس موجود في الاتوبيسات والاماكن الزحمة

علشان كده .. اوعى تخافي ..شيلي الخوف والرعب من قلبك .. تلاقي نفسك قادرة تتعاملي مع الموقف .. إنما خوفك هيشجعه زيادة


أســــاليـــــب التعـــــامل في الحـــالات دي

في الواقع أسلم طريقة للبنت للتصرف في الحالات دي ... إنها تلجأ للناس في المكان ولا تتعامل مع المتحرش بنفسها أو تلجأ لسياسة الفضايح وخدوهم بالصوت لا يغلبوكم ... لأنه ممكن يكون شارب ولا متنيل بنيله أو يرد الاساءة بالعنف .. يقوم يؤذيها ، ممكن تدخل محل أو تطلب مساعدة أشخاص أو ويفضل يكونوا مجموعة علشان الموقف ينتهي لصالحهم

لكن لو مافيش ناس حواليها وكان مافيش مفر انها تتعامل مع الموقف لوحدها ... إليك بعض النصائح



حاولي تتجنبي الأماكن المنعزلة قوي.... والمزدحمة قوي

أولا .. لازم كل الناس رجالة وستات تفتكر إن التحرش بأنثى دي جريمة يعاقب عليها القانون بالحبس لمدة تصل 6 أشهر سوا كان كبير ولا صغير - فكريه بالسجن يمكن يرتدع 

ثانياً .. لازم البنت تعرف شوية حركات دفاع عن النفس علشان تعرف تمشي بأمان .. مش هأقولك روحي اتعلمي كراتيه .. بس هأقولك شوية حركات بسيطة ممكن تخليه يجري.. لو حد تحرش بيكي بجد .. تخيلي نفسك بطلة في فيلم من أفلام الأكشن .. خدي وضع دفاع عن النفس زي بتاع الأفلام وصرخي في وشه تقطعي خلفه من الخضة.. هيتخض ويعمل عيشة .. ويمكن يعمل ام الخير كمان

لو تطور الأمر وكان التلامس واضح ومباشر .. في حركات بسيطة تقدري تعمليها 

* ضربة بالكفين في نفس الوقت على الودنين - كأنك بتسقفي في فرح بلدي على خلقة اللي خلفوه - تخلي ودانه تصفر ويفقد تركيزه والدنيا توش وتوررر معاه .. قوم يكون عندك فرصة للهرب من المكان

* ضربة بسيطة ببطن إيدك في مناخيره - تقلب مزاجه على طول وينسى ويمكن يمشي لوحدة - من غير ما ياكلك بالقلم ... إنتى وحظك

* ضربة بسيطة في الحنجرة تخلية يقعد يكح ربع ساعة

* لو مسكك بإيد ولا بالاتنين .. ارفعي دراعاتك الاتنين من تحت لفوق - بقوة - وانطري دراعاته لبره .. حتى لو كان أقوى منك برضه لازم الحركة دي تخلي دراعه يتفك عنك - لأنه مش متوقعها - ويا سلام بقى لو برجلك وف ... انتي عارفه فين

*ومسك الختام ... لو كان الموضوع صعب قوي ومافيش مفر ... بركبك يا حبيبتي ولا بالشلوت لو كنتي لابسة بنطلون - في بضانه .. قصدي في محاشمه ... قصدي في المنطقة الحساسة ... لو كانت الضربة مباشرة تلاقيه يقع على الارض ربع ساعة مش قادر يقوم ..وطبعا يا اما تهربي بكبرياء وعزة .. يا اما الناس هتشوف منظره وهو حاطط ايديه الاتنين ووشه احمر ..هيفهموا الموضوع ويساعدوكي ( بس خدي بالك .. ممكن يموت فيها وتشرفي حضرتك عند عشماوي أو تخشي السجن وتخرجي منه الناس بتقولك ... سعيدة ياجدتي)

الأدوات
* يا ريت الشركات في مصر تستورد من الصين الصاعق الكهربائي -حاجة كده بتشتغل بالبطارية ولا بالشاحن
* السلف ديفنس - رشيه على وشه .. إعميه
* طلعي علبة السبراي ولا إزازة البرفان ورشيها في عينه
* وأخيرا ً لو مش معاكي حاجة .. تفي وفي وشه واخلصي .. برضه هيتعمي

في الميكروباس أو الأتوبيس ولا المترو ولا التاكسي

أما لو كنتي قاعدة وجه واحد تلم قعد يلزق في الحر .. مافيش داعي تقعدي تقولي .. إف إف .. إيه القرف ده ؟؟ . .. أحب أقولك يا حبيبتي الحاجات دي مش بتجيب نتيجة بالعكس .. الناس هتعقد تبصلك وتقولك هي مالها عاملالنا فيها خضرا الشريفة ؟؟؟؟! ما كلنا مزنوقين في الحر !!! بنات أخر زمن وتسمعي مصمصة ليمون للصبح في الميكروباس

الحل في الحالة دي هي أنك تعامليه على أنو برئ ومحترم إلى أن تثبت إدانته وتقوليله بكل احترام ممكن توسع شوية ؟؟ هيوسع لو كان محترم او غير محترم .. بعد شوية يلزق تاني .. تكون محطتك جات وتنزلي

أما عن سوست البنطلونات المفتوحة اللي بترعب البنات والستات في الموصلات العامة والحواري الجانبية .. فحلها بسيط جداً يا اخونا..... يا إما تصوتي وتلمي عليه الناس وتنزليه من الأتوبيس بفضيحة ...يا اما تشيلي معاكي في شنطتك ابرة وفتلة.. وخيطيلو السوستة المفتوحة دي ينوبك ثواب في الواد العريان ده - ربنا ما يعريلك جتة

وأخيراً ... بلاش اللبس الزايد قوي في الأماكن المفتوحة - لمي نفسك أحسن .. عشانك مش عشانا - مش بقول اتحجبوا- أبداً -.. بس أضعف الايمان اللبس المحتشم برضه بيمنع عن البنت - شوية بلاوي - مش بقول كلها

وأخيراً بقى .. حطي في بالك منك ليها .. أنك مش كل واحد لمسك غصب عنه في اتوبيس ولا في محل ولا في الشارع ... يبقى متحرش بيكي علشان تكون المسائل واضحة وما تظلميش حد ...المتحرشين دول.... اقلية جداً ....غالبية الناس محترمين ولسه بيحافظوا على البنت والست في الشارع
على فكرة الجدع ده إللي اسمه ربيع .. عنده شوية حلول باين عليها قوية وفعالة تقضي على المشكلة من لغاليغو .. قصدي من أساسها وكمان عند قطر الندى الحكاية ولعت قوي

إقرأ ايضا:  ايه: لازم ألبسلك جيبه قصيره وبلوزه عشان تركبني معاك

إذا أعجبك الموضوع: تابعنا باستمرار من خلال صفحتنا على الفيسبوك: مجلة لاكي سترايك أو اشترك بالقائمة البريدية ليصلك كل جديد | للتعليق: اضغط هنا 

Searches related to تحرش جنسي
تحرش الجنسي في امريكا
تحرش الجنسي في الحافلة
تحرش الجنسي في مصر
التحرش الجنسي في باصات مصر
تحرش الجنسي في المغرب
تحرش فى المواصلات
التحرش الجنسي في السعودية
التحرش الجنسي بالاطفال

9 تعليق - COMMENT HERE:

قطر الندى يقول...

أفكار لطيفة بس للأسف مش جديدة و برضه تتطلب أن الواحدة منا تكون نازلة و مستعدة للمعركة و كنت كتبت شوية حلول زي دي قبل موضوع وسط البلد مايحصل أصلاً, بخصوص اللبس,أنا شخصياً لو رايحة حفلة و لابسة حاجة زيادة على الشارع بلبس عليها شال كبير بعمله زي الملاية اللف تقريباً.

Aoossa يقول...

حادر أنا هاعمل كده
أنا هاكون شرسه
وهاضرب بالشلوت
وهاشيل مطوه وسيف كمان
ربنا يهدهم المتحرشين
واااااااااااااااءء

SPRING يقول...

مرحبا بكم في جماعة الاخصاء للجميع
للمزيد من المعلومات عن تاريخ الاخصاء و الادوات الاخصائية الرجاء زيارة المدونة
الاخصاء هو الحل

human يقول...

دمك خفيف أوي....ههههههه
يعني هي المشكله دي معندناش غيرها ...الحلول دي حلول سطحيه ..نشوف اساس الموضوع بادئ منين الأول من أخلقيات ومبادئ المجتمع مش بحركه كده ولا كده........وبعدين التحرش الجماعي استثنائي ..أنا مابقللش من خطورة الموضوع .......لكن في مشاكل لو عملناها هتتحل كل المشاكل........الحلول اللي انت طرحتها حلول وقتيه ومؤقته

bluestone يقول...

انا شايفة انها حلول جميلة وعملية اغلبنا يمكن بيطبقها .. انا عن نفسي دايما بنزل الشارع بلبس مهيء للحركة السريعة يعني لا داعي لفساتين شادية وماجدة ولا الكعب العالي ولا غيره هو الجينز والكوتشي طالما مش معايا العربية .. الحلول لطيفة جدا وعملية
بس في حاجة فعلا محدش لقى لها حل لحد دلوقتي .. المعاكسة اللفظية .. خصوصا لو فيها شتيمة او كلام خارج الواحد ودانه بتتوسخ لمجرد انه نزل الشارع وبيسمع الفاظ ماوردتش عليه قبل كده
وطبعا الواحد مش هيقدر يرد لانه مهما قال مش هيأثر في الناس اللي زي دول

Barracuda يقول...

قطر الندى..
والله انا اضفت جزء يخلي المسألة عملية شوية.. هو ان البنت على قد ما تقدر تصدر الناس في الشارع يتعاملوا مع اللي بيتحرش بيها.. اما اذا ما كانش في حد يبقى زي ما قريتي
.. تحياتي
=========
أوسا..
أيوة لازم تكوني شرسه بس ما تشيليش مطاوي الله يسترك
..تحياتي
========
ربيع..
خلاص ياعم شفته وعجبني وعملتلك لينك من عندي كمان .. تحياتي
=======
هيومان..
مسألة التربية واخلاقيات المجتمع دي حكاية عايزة قنبلة نووية تشيل القديم .. وبعد 50 سنة نبقى نبني من جديد .. على مبادئ جديدة واخلاق جديدة.. على وسع.. علشان الزحمة هي اللي بتخلي الناس يتصرفوا زي الحيوانات ..قول يا باسط ...تحياتي
======
بلو ستون..
المعاكسة اللفظية مالهاش حل غير انك تحشي ودنك كل يوم الصبح قطن ...يعني ميزانية جديدة ..واللي اتوسخ يتغسل مش مشكله

تحياتي

أنـــا حـــــــــرة يقول...

ضحكتنى ضحك بجد
هم يضحك و هم يبكى
على فكرة حلولك رغم انها تقليدية جدا و مش سهلة كمان بس اسلوبك محسسنى انها زى النسمة

ربنا ع الظالم و المفترى بجد
بس حاجة اخير عايزة اقولهالك
الواحدة لابسة مش لابسه
محجبة و للا بنقاب و للا بمايوه بقوا يتحرشوا بيها و بيعاكسوها
و بيقفولهم بالعربيات كمان

طبعا المتحرشين مازالوا اقلية
بس بيتهيألى المشكلة الاكبر فى المتحرش يعنى هو نازل من بيتهم ناوى يتحرش باى حد يقابله فى طريقه
لكن الناس اللى بتبقى مش ناوية دى هى اللى ممكن اقولك تتحرش بحد اثارها ساعتها يبقى غلط برضه بس الغلط ع الولد و البنت

Barracuda يقول...

أنـــا حـــــــــرة
يا فندم سعداء والله انها ضحكتك .. هو ده المقصود في جو النكد اللي بقت المدونات عايشة فيه ده .. امال هنعمل ايه بس يا فندم.. شوية عيال بيشموا كله لقولهم لعبة جديدة

ما علينا.. فينك يا عبد الناصر ؟ لما العيال بتوع ابو عيون جريئة ريحتهم فاحت .. أخدهم وحلق لهم شعرهم ودخلهم الجيش علشان يسترجلوا

Barracuda يقول...

يا ريت تشوفي تحديث رقم 3

زوار أونلاين الآن


Definition List

enbee-world.blogspot.com.eg

Unordered List

Blog Archive

عدسة لاكي سترايك* نافذة على العالم *

* That '70s Show *

**أعلن عن نشاطك هنا**

**أعلن عن نشاطك هنا**

يتم التشغيل بواسطة Blogger.

زاروا لاكي سترايك حتى الآن

أكثر المقالات قراءة هذا الأسبوع

*** مقالات مميزة هذا الأسبوع***

تقييم سياحي: قرية العزبة - المريوطية

تاريخ الزيارة: مارس 2017 قرية العزبة بالمريوطية : قرية سياحية ترفيهية ومطعم سياحي قديم، تأسس بحسب المذكور بصفحة الإدارة سنة  1990 ، و...

* تابعنا باستمرار *

* للاتصال - Contact *

الاسم

بريد إلكتروني *

رسالة *

* إعلان إكسبريس فريت *

الاشتراك في النشرة البريدية

عندك شحنة، استيراد، تصدير؟: اضغط على السفينة

Categories

سيارات (40) أحوال مصرية (26) English Posts (18) صحة عامة (18) نافذة على العالم (17) قصص من الحياة (12) أفلام (11) تقييم منتجات (11) تقييم مستهلك (10) اعلانات (9) بورنو (9) سياحة (9) الإسلام والمسلمون (8) تأملات في عالم الإدارة (8) تربية (8) Advertising (7) تقييم إعلانات (7) دعاية واعلان (7) قرأت لك (7) كتب (7) مهارات ادارية (7) نفط وغاز (7) أطفال (6) إسلام (6) إسلام ومسلمون (6) إعلانات (6) بترول (6) ترجمة (6) شركات بترول (6) هجرة (6) يوميات مترجم حر (6) management (5) أستراليا (5) ألمانيا (5) إنفينيتي (5) تعليم (5) تنمية بشرية (5) رينو (5) قضايا نسائية (5) موضة (5) هندسة بترول (5) AIR FREIGHT (4) CHARTERING (4) CUSTOMS CLEARANCE (4) FCL FREIGHT (4) GENERAL CARGO (4) INLAND FREIGHT (4) LATCHING SERVICE (4) LCL FREIGHT (4) PACKING (4) PART CARGO SHIPPING (4) Translation (4) leadership (4) أبراج (4) إعلانات قديمة (4) إلكترونيات (4) ادارة (4) توعية (4) جمارك السيارات (4) حول العالم (4) شرطة مصرية (4) شركات (4) شركات شحن (4) فيديو (4) قصص واقعية (4) قيادة (4) كيف تتصرف (4) مدارس (4) مصريون (4) مناسبات (4) نيسان (4) وسائل التواصل الاجتماعي (4) وفيات (4) Ajit khimji group (3) Europcar (3) Product review (3) أحوال عمانية (3) أخبار العالم (3) أخلاقيات (3) أزياء (3) أمريكا (3) إجراءات (3) اجتماعيات (3) اجراءات سلامة (3) المريوطية (3) بروفايل (3) بطاقات (3) بنوك (3) تأملات (3) تقييم خدمات (3) جرائم (3) حرائق (3) حوادث (3) خدمات مصرفية (3) زواج (3) سلطنة عمان (3) سوشيال ميديا (3) سيارات جديدة (3) شخصيات (3) قصص حب (3) قصص ملهمة (3) قضايا إسلامية (3) كيف (3) لافتات اعلانية (3) مسقط (3) مسلسلات أمريكية (3) مسلمون (3) مسلمون جدد (3) مسلمون في الخارج (3) منتجات العناية بالأطفال (3) نصائح (3) واقعية رومانسية (3) ويكيبيديا (3) 2016 (2) Black box (2) Freelance (2) Paintings (2) Software (2) أجهزة كهربائية (2) أجهزة منزلية (2) أخبار أمريكا (2) أخبار محلية (2) ألعاب (2) إطارات (2) اتصالات (2) انترنت (2) انشاءات (2) تاريخ إسلامي (2) تحرش جنسي (2) تدخين (2) تراخيص سيارات (2) ترويج (2) تصميم أزياء (2) تطبيقات (2) تقنيات (2) تقييم أفلام (2) تكنولوجيا (2) ثقافة (2) جيب (2) حب (2) حقد اجتماعي (2) حواديت مصرية (2) حيوانات (2) خرافات (2) دبي (2) دراجات (2) ذكريات (2) ساعات (2) سحر أسود (2) سعادة (2) سياسة عالمية (2) شاهدت لك (2) علاقات عامة (2) فاشون (2) فيات (2) فيسبوك (2) قانون (2) قصة قصيرة (2) قصص قصيرة (2) قضايا المسلمين في الخارج (2) قوائم (2) كرتون (2) كيا (2) كيا سيراتو (2) مؤسسات (2) مازيراتي (2) مراسي بحرية (2) مراوح (2) مسلسلات كرتونية (2) مشاهدات (2) مصر (2) مهنية (2) نقد (2) نيويلاند (2) هولندا (2) واقع مصري (2) وظيفة (2) وكالات دعاية واعلان (2) يوميات صندوق أسود (2) 2015 (1) A4 size paper (1) Ambulance (1) Anesthesiology (1) Baic (1) Black magic (1) CCU (1) Calender (1) Cardiology (1) Chest (1) Church wooden works (1) Day2Night (1) Decorations (1) Dermatology (1) Diagnostic Radiology (1) Directories (1) Douby (1) ER (1) Ear studs (1) Endocrinology (1) Gastroenterology (1) Glass Painting (1) Greeting Cards (1) Home Care Medicine (1) Home decor (1) Home furniture (1) Hospital Furniture (1) Hotel furniture (1) ICU (1) Imitation Jewelry (1) Internal Medicine (1) JCopia (1) Jennifer Bricker (1) Landmark (1) Malabar Gold (1) Moto Guzzi (1) Necklace sets (1) Office furniture (1) Omani Paintings (1) Recovery (1) Riviera for Skype (1) Shoba (1) Software Developer (1) Syed Hasan Abbas (1) That '70s Show (1) Themed Paintings (1) Themed Vases (1) VET (1) Wall Hangings (1) Water Color (1) Wooden floors (1) Yellow scribbles (1) bedroom (1) blood donation (1) child's bedroom (1) designs (1) dining room (1) gainmoneyfast.com (1) inspiration (1) kitchens (1) living room (1) musings (1) road safety video (1) shoes (1) smoking (1) writings (1) آثار الإسكندرية (1) آثار مصرية (1) آداب وذوقيات (1) أحذية (1) أحوال الدنيا (1) أحوال العالم (1) أحوال العرب (1) أخبار الفن (1) أرمن (1) أضاحي العيد (1) أعمال فنيه (1) أعياد (1) أغاني (1) أفكار (1) أفلام أمريكية (1) أفلام عربية (1) أفلام مصرية (1) ألزهايمر (1) ألفا روميو (1) أمن المعلومات (1) أوليكس (1) إباحية (1) إدوارد مارتينيه (1) إل جي (1) إم جي (1) إنسانية (1) إيجابيات (1) إيطاليا (1) ابتكارات (1) ابحار (1) اتجاهات عصرية (1) اجتماع (1) اسرائيل (1) اسكان اجتماعي (1) اسلاموفوبيا (1) اصابات (1) اكس تريل (1) الجامعات (1) الدنمارك (1) السلامة على الطريق (1) السيارات الكلاسيكية المستقبلية (1) الصين (1) الصينيون (1) العراق (1) العناية بالأطفال (1) القاهرة (1) المدرسة اليابانية (1) النيل (1) الهند (1) باترول (1) بانكوك (1) بايك (1) براعم (1) برامج (1) بريجستون (1) بريدجستون (1) بطاريات (1) بطولات عسكرية (1) بلاستيك (1) بوبكات (1) بيئة (1) تأجير (1) تأملات من واقع أخبار (1) تأمين الممتلكات (1) تأمين وسائل التواصل الاجتماعي (1) تاليسمان (1) تايلاند (1) تجارة أعضاء (1) تحقيقات (1) تركيا (1) تسويق (1) تشارجر (1) تشالنجر (1) تطور وظيفي (1) تطوير الشخصية (1) تقييم برامج (1) تقييم سياحي (1) تقييم مسلسلات (1) تلت برش (1) تليفزيون (1) تليفون (1) تهنئة (1) توعية جنسية (1) جريمة (1) جوجل (1) جولة حرة (1) جيلي (1) حسد (1) حفارات (1) حقول بترول (1) حكم عقلك (1) حلويات (1) حماية من السرقة (1) حملات توعية (1) خدمات (1) خدمات تسويق (1) خروف العيد (1) خريف (1) خصوصية (1) داستر (1) دراجات نارية (1) دعوة للسعادة (1) دودج (1) ديليفري (1) دين (1) ذكريات قديمة (1) رسم (1) رمضان (1) روتين (1) رياضة (1) رينيجيد (1) زهايمر (1) ساعات g-shock (1) ستايل (1) سرقة (1) سفيرة السعادة (1) سكر وعربدة (1) سكري (1) سلامة (1) سمع (1) سنترا (1) سنغافورة (1) سويسرا (1) سيمبل (1) شاحن موبايل (1) شاحنات (1) شباب (1) شبكات محمول (1) شبكة المعلومات (1) شتاء (1) شخصيات عالمية (1) شخصيات من العالم (1) شخصيات نسائية (1) شرطة (1) شكاوى القراء (1) شهداء حرب أكتوبر (1) شهر عقاري (1) شيعة (1) شيفروليه (1) شيفروليه كروز (1) صحار (1) صحة جنسية (1) صفحات فيسبوك (1) صناعة (1) طب بيطري (1) طيران (1) عانس (1) عدد وآلات (1) علاقات (1) علامات تجارية (1) علم (1) علم نفس (1) عمود السواري (1) عنف مدرسي (1) عنوسة (1) عيد الأضحى (1) عيد الحب (1) عُمان (1) فرنسا (1) فن الخردة (1) فن تشكيل الخردة (1) فن تشكيلي (1) فنادق (1) فنانون فرنسيون (1) فنلندا (1) فنون تشكيلية (1) فوائد (1) فورد (1) فولفو (1) فيراري (1) فيسكونتي (1) فيكرانت (1) قانون الإضافة البسيطة (1) قبرص (1) قصص العبر والحكم (1) قصص ثراثية (1) قصص دينية (1) قلوب الناس (1) قنوات أطفال (1) قوارب (1) قوارب شراعية (1) كابتشر (1) كاريكاتير (1) كاسيو (1) كرايسلر (1) كروشيه (1) كلاب (1) كلمات (1) كنتاكي (1) كندا (1) كونتراست (1) لغة عبرية (1) لغة مصرية (1) ليفانتي (1) ما تفعل لو (1) مارينا (1) محلات ملابس (1) محمد مستجاب (1) مراسي (1) مراهقة (1) مرسى (1) مرسى الموج (1) مرسى مطروح (1) مركبات (1) مرور (1) مزارع أبقار (1) مسئولية اجتماعية للشركات (1) مسامير (1) مسلسلات رمضان (1) مسلمو أستراليا (1) مشاريع (1) مشاريع عقارية (1) مشاريع عملاقة (1) مشاكل (1) مشاكل المصريين في الخارج (1) مصر زمان (1) مصر وأقريقيا (1) معدات ثقيلة (1) معركة المنصورة الجوية (1) مقالات مترجمة (1) مكسيما (1) مكيفات (1) من هنا وهناك (1) منتجات صحية (1) منوعات (1) مهاجرون (1) مواصفات فنية (1) مواقع انترنت (1) مواقف شخصية (1) موتو جوتسي (1) موتو جوزي (1) ميركيور (1) نباتات طبية (1) نساء مسلمات (1) نظريات (1) نكت (1) نمذجة معلومات المباني (1) نيويورك (1) هاتف (1) هاواي (1) هنود (1) واقع افتراضي (1) وقائع مصرية (1) يخوت (1) يوتيوب (1)